«ДУЭТ» адкрыўся
У сярэдзіне ліпеня новы “смачны” магазін «Дуэт» адчыніў свае дзверы для пакупнікоў па вул. Калесніка, 2д.
Тут прапануюць розныя пірожныя, іншае печыва, шакалад, цукеркі, разважное і ў пачках марожанае. У вялікім асартыменце прадстаўлены безалкагольныя напіткі, сокі, фрукты і інш.
Прыватную гандлёвую кропку каля «Еўропы» лёгка заўважыць — вялікая шыльда прыцягвае ўвагу. Пацешце сябе — акуніцеся ў салодкі свет дзяцінства. «Дуэт» працуе з 10.00 да 20.00 без перапынку на абед.
«ЮБІЛЕЙНЫ» зачыніўся
Магазін «Юбілейны» ці, як мы прывыклі яго называць «на горцы», зачынены. Як паведамілі ў райспажыўтаварыстве, цяпер вядзецца працэс па продажу будынка. Тавары для дзяцей, якія прадаваліся на гандлёвай плошчы «Юбілейнага», пераехалі ў «Галантарэю».
«СПУТНІК» раздзяліўся
У прыватным магазіне «Спутнік», што каля «Гаранта», цяпер у продажы толькі бытавая тэхніка. Будаўнічыя матэрыялы, сантэхніку, іншыя гаспадарчыя тавары аддзялілі. Іх можна набыць у асобным вялікім магазіне «Стройка», які адкрыўся непадалёк.
Алена СМУСЯНОК.
Фота аўтара.
