У банкаўскіх работнікаў – наваселле
Раней 31-е аддзяленне цэнтра банкаўскіх паслуг № 326 філіяла № 300 Гомельскага абласнога ўпраўлення ААТ “ААБ Беларусбанк” знаходзілася на тэрыторыі рынку “Юбілейны” ў арандуемым памяшканні. Літаральна за некалькі месяцаў на перакрыжаванні вуліц Калесніка і Лермантава каля рынку вырас новы прыгожы будынак. З 15 жніўня будаўнікі таварыства з дадатковай адказнасцю “ВіктарСлавія” прыступілі да аддзелачных работ і добраўпарадкавання прылягаючай тэрыторыі. А на гэтым тыдні, у аўторак, работнікі аддзялення справілі наваселле.