Дзве драўляныя разьбяныя лавачкі ўсталявалі ўздоўж агароджы ЦРБ. Гараджане неаднаразова прасілі аб гэтым – пажылым і хворым людзям цяжка ісці, ім перыядычна неабходны адпачынак. А прысесці не было дзе.
Нагадаем, у жніўні гэтага года на «прамую лінію» да старшыні раённага Савета дэпутатаў Г.В. Бондар звярнулася жыхарка мікрараёна «Юбілейны» і ў чарговы раз паскардзілася на адсутнасць лавачак. На просьбу адгукнуўся дырэктар ДЛГУ «Хойніцкі лясгас» В.У. Грыцкоў. Работнікі лесагаспадарчай установы ў кароткі тэрмін вырабілі і ўсталявалі дзве лавачкі. Цяпер пацыенты бальніцы могуць перавесці дыханне на шляху да ўрача. Так трымаць!
Тэкст і фота Алены СМУСЯНОК.
