У кожнага чалавека ёсць месцы на зямлі, якія назаўсёды застаюцца ў яго сэрцы, – часцінка Радзімы, да якой ён ставіцца з асаблівым трапятаннем і любоўю. Для многіх з нас – гэта наша Хойнікшчына.
Вельмі прыемна, што з кожным годам родны раён становіцца ўсё больш прыгожым. Нам ёсць чым ганарыцца, ёсць што паказаць. Але самае галоўнае наша багацце – гэта людзі: добрыя і сардэчныя, ветлівыя і гасцінныя, адданыя сваёй роднай зямлі.
8 снежня 1926 года лічыцца датай заснавання Хойніцкага раёна. У гонар гэтага ў раённым Доме культуры прайшоў святочны канцэрт «Роднай зямлі шматгалоссе».
Музычныя і танцавальныя падарункі для гасцей урачыстасці падрыхтавалі лепшыя творчыя калектывы раёна. Вядучыя мерапрыемства Вікторыя Буркоўская і Ігар Назарчук, перагортваючы старонкі гісторыі, захапляліся традыцыямі, мужнасцю, працавітасцю, мудрасцю хайнічан.
Алена СМУСЯНОК.
