Вельмі цікавым і займальным выдаўся тыдзень з 8 па 12 лютага ў нашай школе. Класны кіраўнік 6 класа А.С. Галеня правяла піянерскі збор, прысвечаны подзвігам юных герояў-антыфашыстаў.
Настаўніца беларускай мовы і літаратуры Г.В. Кананевіч у рамках тыдня беларускай мовы і літаратуры правяла мерапрыемствы для пяцікласнікаў “Загадкі Васі Вясёлкіна” і “Чацвёрты лішні”.
У моўным турніры сышліся вучні 8-11 класаў.
Вусны часопіс “Дзве мовы сталі блізкімі мне змалку” абудзіў цікавасць да роднай мовы і літаратуры. А вучні старэйшых класаў прынялі актыўны ўдзел у літаратурна-музычнай кампазіцыі, прысвечанай творчасці І.П. Мележа.
Да Дня святога Валянціна вучні 9 класа разам з класным кіраўніком А.С. Чарапянка падрыхтавалі турнір у гонар кахання, ад якога ўсе ўдзельнікі і гледачы атрымалі вялікае задавальненне.
Н. ХОДАС,
намеснік дырэктара Судкоўскай СШ па вучэбнай рабоце.
