На мінулым тыдні прайшла 22-я школьная спартакіяда Гомельскай вобласці па валейболу сярод дзяўчат. Каманда нашага раёна, якая складалася з вучаніц дзяржаўнай гімназіі, упершыню стала пераможцай у гэтых прадстаўнічых спаборніцтвах.
У сваёй падгрупе ва ўсіх гульнях дзяўчаты перамаглі з лікам 2:0. У фінале сустрэліся з камандамі з Лельчыц і Чачэрска і атрымалі ўпэўненую перамогу. Заслужанымі ўзнагародамі для юных хайнічанак сталі кубак і дыплом адпаведнай ступені.
Каманду ў складзе Кацярыны Серады, Наталлі і Маргарыты Навакоўскіх, Ганны Цэйка, Вікторыі Мароз, Ірыны Кандрашэўскай, Вікторыі Прымачэнка і Крысціны Дрожжа трэніруе С.В. Цярэшчанка (на здымку).
