26 гадоў працуе настаўнікам. Алімпіяды на ўзроўні раёна – прызавыя месцы ад вучняў Казялужскай школы. На ЦТ таксама добрыя вынікі.
Любімая тэма нашай гераіні – самастойныя часціны мовы. Любімыя творы – «Каласы пад сярпом тваім» Уладзіміра Караткевіча і «Людзі на балоце» Івана Мележа.
1. Адзначце радок з памылкай:
а) Ведзьмак;
б) Кефір;
в) Дзясяты.
2. А тут вызначце радок без памылак:
а) Безбедна;
б) Неправільна;
в) Не чуў.
3. Знайдзіце памылку пры перадачы акання на пісьме:
а) Сэрцавіна;
б) Камп’ютар;
в) Пачало шарэць.
4. Як правільна?
а) Надыйшоў;
б) Разыйсціся;
в) Надышоў.
5. У якім сказе не трэба прыстаўная галосная?
а) Купіла ільняны абрус;
б) Імкнуцца адмяніць ільготы;
в) Ён ірвануў з месца.
6. Дзе іншамоўнае слова напісана правільна?
а) Піар;
б) Скаліёз;
в) Йога.
7. Тут схавалася адно слова, якое не перакладаецца з беларускай як «качели»:
а) Арэлі;
б) Гушкалка;
в) Брыль.
8. А тут выберыце слова, якое не адпавядае рускаму «простор»:
а) Абшар;
б) Гушчар;
в) Абсяг.
9. Ёсць прыгожае слоўца для абазначэння дрэваў, пасаджаных вакол ці каля чаго-небудзь (дарогі, вуліцы, будынка). Якое?
а) Рассаднік;
б) Прысады;
в) Прылессе.
10. Вызначце слова з правільным націскам:
а) Адзіна́ццаць:
б) Наві́на;
в) Выпа́дак.
Правільныя адказы: 1 – а; 2 – в; 3 – а; 4 – в; 5 – а; 6 – б; 7 – в; 8 – б; 9 – б; 10 – а.
Сябры, калі вы справіліся з усімі пытаннямі – малайчыны! Калі правільна адказалі толькі на палову – вам трэба падцягнуць свае веды, але ж вы ўсё роўна малайчыны. Астатнія проста ставяць сабе «+» у карму за пройдзеную віктарыну.
Падрыхтавала Вікторыя МАРОЗ.
Фота аўтара.
