У Хойніках выступіў «залаты акардэон Беларусі» Ігар Квашэвіч.
Канцэрт быў дадзены ў рамках вялікага «Беларусь-тура». Адным з падарункаў гледачам стала прэзентацыя некалькіх песень з трэцяга альбома Ігара Квашэвіча «Поры года».
Лаўрэат спецыяльнага фонду Прэзідэнта Рэспублікі Беларусь Ігар Квашэвіч плануе наведаць з канцэртамі акардэоннай музыкі 120 беларускіх гарадоў. Хойнікі – дваццаць пяты па ліку населены пункт, дзе прагучалі мелодыі лаціна і вальса.
І.Квашэвіч – таленавіты выканаўца цяпер не толькі акардэонных кампазіцый, але і песень свайго аўтарства. Ён не аднойчы станавіўся пераможцай міжнародных і нацыянальных конкурсаў, а 10 гадоў назад стаў першым беларускім акардыяністам, які ўвайшоў у Вышэйшую лігу мэтраў, якая аб’ядноўвае лепшых акардэаністаў свету.
Перад канцэртам Ігар Квашэвіч наведаў дзіцячую школу мастацтваў, дзе прысутнічаў на праслухоўванні юных талентаў. Своеасаблівы майстар-клас ад прафесіянала рабяты прынялі з удзячнасцю. Па словах акардэаніста, а з нядаўняга часу яшчэ і спевака, такія сустрэчы з моладдзю спрыяюць іх развіццю. Ды і жывая гутарка нясе карысць не толькі вучням, але і педагогам.
Да слова, сам Ігар Квашэвіч не спыняе свайго навучання, зараз займаецца ў аспірантуры універсітэта музыкі і тэатра ў Мюнхене (Германія). Сучасны подых акардэоннай музыкі, самыя свежыя тэндэнцыі западных выканаўцаў І. Квашэвіч імкнецца даносіць да сваіх землякоў і шчодра дорыць новыя веды юным акардэаністам.
Артыст па-майстэрску завалодаў увагай слухача.Нядзіўна, што такога госця гледачы не хацелі адпускаць.
Алеся ЯЧЫЧЭНКА.
Фота аўтара.
