Толькі адзін раз за год для сапраўдных аматараў мастацтва музейныя залы адчыняюцца нават ноччу. Правядзенне міжнароднай акцыі «Ноч музеяў» стала ўжо добрай традыцыяй для нашага раёна.
Галоўная мэта акцыі – прыцягнуць і зацікавіць наведвальнікаў яркімі, неардынарнымі праграмамі, прысвечанымі культурнай і гістарычнай спадчыне. Нават дажджлівае надвор’е надвячоркам 18 мая не змагло пашкодзіць. Гасцей чакаў раённы краязнаўчы музей.
Штогод работнікі культуры імкнуцца надаць мерапрыемству асаблівую непаўторнасць. Для самых маленькіх была арганізавана забаўляльна-гульнявая праграма «Музейны перапалох» з віктарын, конкурсаў, аквагрыму ад запрошаных клоўнаў з Гомеля. Смех і бурныя апладысменты не змаўкалі ні на хвілінку.
У працяг вечара, які павольна пераходзіў у ноч, канцэртам інструментальнай музыкі, праніклівымі нумарамі парадавалі навучэнцы дзіцячай школы мастацтваў г. Хойнікі.
Акрамя пастаянных экспазіцый, у музеі была прадстаўле-на выстава творчых работ мастацкага аддзялення ДШМ «Зоркі сусветнага шоу-бізнесу», працавалі тэматычныя фотазоны.
Пакуль у залах музея наведвальнікі атрымлівалі эстэтычную асалоду ад прапанаваных выстаў, на адкрытай пляцоўцы панавалі музыка і песня. Сваёй творчасцю ў той вечар дзяліліся ўдзельнікі мастацкай самадзейнасці горада і раёна.
Словам, час у гэты вечар праляцеў незаўважна. Кожны зразумеў: музей – гэта зусім не сумна. Музей сёння – гэта займальна. Тое месца, дзе можна атрымаць масу ўражанняў і чэрпаць натхненне.
Алена СМУСЯНОК.
Фота аўтара.
