Без дазволу ў Амелькаўшчыну нельга

У апошні час ходзіць многа розных чутак па прычыне законнага праезду або знаходжання ў адселенай вёсцы Амелькаўшчына. У сувязі з гэтым паведамляю наступнае.

Пасля катастрофы на Чарнобыльскай АЭС, пачынаючы з 1986 года, была адселена значная частка вёсак, якія сёння ўваходзяць у склад Палескага дзяржаўнага радыяцыйна-экалагічнага запа-ведніка. У пачатку 1990 года было праведзена дадатковае абследаванне тэрыторый і прынята пастанова Савета Міністраў Рэспублікі Беларусь       № 325 ад 20.07.1990 г. «Аб адсяленні жыхароў населеных пунктаў, якія знаходзяцца на забруджаных радыенуклідамі тэрыторыях». Згодна з гэтым дакументам у раёне было праведзена дадатковае адсяленне жыхароў, у тым ліку і з в. Амелькаўшчына.

Пасля завяршэння ўсіх мерапрыемстваў па адсяленню прынята пастанова Савета Міністраў Рэспублікі Бе-ларусь № 328 ад 1.06.1992 г. «Аб зацвярджэнні пераліку тэрыторый населеных пунктаў і іншых аб’ектаў», якія адносяцца да зоны радыеактыўнага забруджвання. У адпаведнасці з гэтым нарматыўным дакументам тэрыторыя адселенай вёскі Амелькаўшчына аднесена да зоны наступнага адсялення. Згодна з Законам Рэспублікі Беларусь «Аб прававым рэжыме тэрыторый, якія падвергліся радыеактыўнаму забруджванню ў выніку катастрофы на Чарнобыльскай АЭС» (арт.18), у зоне наступнага адсялення дзейнічае прававы рэжым, уваход і ўезд без спецыяльнага дазволу (пропуску) забаронены.

На сённяшні дзень гэтая тэрыторыя знаходзіцца пад кантролем Адміністрацыі зон, і яе ахова забяспечваецца шляхам аўтапатруліравання спецыяльным падраздзяленнем міліцыі, створаным пры РАУС. Штогод ім распрацоўваюцца і ўзгадняюцца з райвыканкамам маршруты аўтапатруліравання.
Вёска Амелькаўшчына аднесена да маршруту аўтапатруліравання № 4, устаноўлены забараняльныя знакі. Для праезду або знаходжання там неабходна мець пропуск, які выдаецца Адміністрацыяй зон.

Я. КРАЎЧАНКА, галоўны спецыяліст Адміністрацыі зон адсялення і адчужэння па Хойніцкаму раёну.