Старанні высока ацэнены
Падведзены вынікі конкурсу сярод гарадскіх (гарадоў раённага падпарадкавання), пасялковых, сельскіх Саветаў дэпутатаў, органаў тэрытарыяльнага грамадскага самакіравання Гомельскай вобласці па вырашэнню пытанняў жыццезабеспячэння насельніцтва.
Згодна з адпаведным рашэннем Гомельскага абласнога Савета дэпутатаў ад 29 мая 2013 года № 51 у групе з колькасцю насельніцтва ад 1500 да 2400 чалавек першае месца прысуджана Судкоўскаму сельскаму Савету дэпутатаў (в.а. старшыні сельвыканкама Надзежда Фёдараўна Коваль – на здымку справа з Дыпломам першай ступені). Па ўмовах абласнога конкурсу за першае месца прадугледжана грашовая прэмія ў памеры 90 млн. руб. Гэтыя сродкі будуць накіраваны на далейшае добраўпарадкаванне і паляпшэнне ўмоў жыццядзейнасці жыхароў Судкоўскага сельскага Савета.
У групе з колькасцю жыхароў да 1500 чалавек другое месца прысуджана Велікаборскаму сельскаму Савету дэпутатаў (старшыня сельвыканкама Ала Аляксандраўна Кузьменка – на здымку злева з Дыпломам другой ступені). За гэтую перамогу прадугледжана грашовая прэмія ў памеры 55 млн. руб.
Урачыстая цырымонія ўзнагароджвання прайшла 11 чэрвеня ў Гомелі на сесіі абласнога Савета дэпутатаў. Дыпломы пераможцам уручыла старшыня Гомельскага абласнога Савета дэпутатаў М.А. Бондар.
Фота Алесі Ячычэнка.
