У сям’і Аксаны Леанідаўны і Канстанціна Сяргеевіча Дашук не так даўно з’явілася традыцыя: муж і жонка размяшчаюць на своеасаблівай «сцяне славы» ўласнай кватэры ў аграгарадку Стралічава свае ўзнагароды.
Цяпер тут, акрамя Падзякі райвыканкама К.С. Дашуку як аднаму з лепшых камбайнераў эксбазы «Стралічава», газетнага артыкула «Хойніцкіх навін» з фотаздымкам перадавіка і маляўнічага віншавання, з’явілася новая ўзнагарода ? дачцэ Паліне. Дзяўчынцы споўніўся толькі адзін месяц, а яна ўжо мае званне Дзіця міру. Яно прысвойваецца кожнаму дзіцяці, якое нарадзілася 21 верасня ? у Міжнародны Дзень міру.
Маці Аксане Леанідаўне Дашук уручылі пасведчанне і грашовы падарунак ад Гомельскага абласнога аддзялення Беларускага Фонду міру. Прыемную місію выканалі старшыня раённага аддзялення Беларускага Фонду міру В.С. Васькевіч, намеснік старшыні райвыканкама Ж.М. Чарняўская, дырэктар ТЦСАН Г.М. Скачко і старшыня Стралічаўскага сельвыканкама В.М. Бельская.
Алеся ЯЧЫЧЭНКА.
