У Гомельскім абласным драматычным тэатры адбылося ўрачыстае ўшаноўванне пераможцаў, дасягнуўшых найлепшых паказчыкаў па выніках работы за 2013 год. Пасведчанні аб занясенні на Дошку гонару Гомельскай вобласці лепшым з лепшых уручылі старшыня аблвыканкама У.А. Дворнік і яго намеснікі.
Вельмі прыемна, што ў спіс 44 арганізацый-пераможцаў трапіў «Хойніцкі Аграсервіс». Наша адкрытае акцыянернае таварыства прызнана лепшай арганізацыяй, дасягнуўшай высокіх паказчыкаў па эканоміі рэсурсаў.
Цяпер таблічка залатога колеру з назвай гэтай арганізацыі красуецца на Дошцы гонару, якая размешчана на цэнтральнай плошчы Гомеля, а пасведчанне – на бачным месцы ў кабінеце дырэктара таварыства Аляксандра Аляксандравіча Максімовіча (на здымку). Значная працоўная перамога – заслуга прадпрымальнага кіраўніка і старання ўсяго калектыву.
Тэкст і фота Наталлі ЧЭКАН.
