Бібліятэкары нашага раёна актыўна ўключыліся ў конкурс “Мне выпаў гонар датыкнуцца да Перамогі”, аб’яўлены на чарговым семінары бібліятэчных работнікаў на тэму “Новыя падыходы ў арганізацыі работы ЦБС”. Яны паспаборнічаюць у напісанні лепшага матэрыялу аб ветэранах Вялікай Айчыннай вайны. А гэтага нельга зрабіць, не пабываўшы дома і не сустрэўшыся з тымі людзьмі, якія набліжалі наша светлае сёння і якіх, на вялікі жаль, застаецца ўсё менш і менш.
Адначасова будзе практыкавацца правядзенне разнастайных мерапрыемстваў, накіраваных на фарміраванне маладога пакалення патрыётаў. Пасрэднасцю кнігі і чытання да юных чытачоў будуць даводзіцца пастулаты, на якіх павінны выхоўвацца сапраўдныя патрыёты нашай Радзімы, – уменне самааддана працаваць, заўсёды быць гатовым да абароны Айчыны.
В. МІХЕД,
метадыст цэнтралізаванай бібліятэчнай сістэмы.
